About
NCHSCHTI ALSS
ÜBER UNS
  
Geschichtliches | Chronik | Vorstand | Mitglieder  
 

D'Idee zur Gründig vo de Schanze Narre isch im Summer 1996 entstande.

 

Zunft isch 1996 (Gründungsjahr) dür folgendi Persone gründet worde:

Patrick Bader (Noudi)
Michel Egger  (Mischu)
Marc von Büren (Büre)
Stefano Monopoli (Mönu)
Roger Jäggi (Ruedi)

 

Im Februar 1997 hei mir s'erscht mou mit em e Wage am offizielle Fasnachtsumzug teilgnoh.

 

Gschichtlechs vo üsem erscht Ober am Noudi:

 

Idee/Philosophie SchaNa:
Dr Mönu und  dr Ruedi si bi de Hudibrasschutze gsi und ig bi de Konfettistampfer. Irgendwie het das dört nid so rächt ghaue. Vilicht wüu mir nid apassigsfähig si, oder stur, oder genial oder eifach nur rebellisch. Nach däm mir vo üsne Fasnachtsgruppe wäg gange si, und immer no luscht uf Fasnacht mache gha hei, si mir drü plus Mischu und Büre zäme ghocket, und hei üs vor gno, säuber öpis uf d'Bei zstöue. Do dr zue isch no zäge, dass ig, Mönu, Ruedi und dr Leue scho bevor mir id Fasnachtsgruppe gange si au Johr zäme Strossefasnacht gmacht hei.
S'erschte Johr si mir nid offiziell am Umzug gsi. Den hets au scho ei Umzugsnummere ghä wo "Nachwuchs" gheisse het. Für dört chönne mit zmache hät me sich müesse amälde. Das hei mir natürlich verpasst oder nid gwüsst. Wüu si i däm Johr gar keini Amäldige für die Nummere übercho hei si se gstriche. Im Fasnachtsführer isch si aber immer no din gsi (dä hei si nid nöi druckt). Wäge däm hei mir gar nüd gwüsst vo däm. Vor em Umzug hei mir üs de fliessig warm drunke im "City" (so wie die Grosse). Du gsesch das hei mir auso scho immer gmacht. Wo den üsi Nummere (die gstrichnigi) dra gsi isch si mir use gsecklet -so wie mirs jetz au immer mache- und hei wöue istoh. Dr Funker het de gfrogt wär mir si und mir hei gseit, mir sige ir Nachwuchsgruppe. Er het zu üs gemeint: die sig gstriche worde. Mir si verschroke und im gseit: Nüd do gstriche, mir si do mir wei mitlaufe! Dr Funker het keis Theater gmacht und mir hei dürfe Istoh und ohni Zunftname aber mit eigener Nummere dr erscht Umzug mitlaufe.
S'Johr druf hets de no witeri Mitglieder ghä und mir hei au üse Name use gfunde....
 
Üsi Idee isch glaub eifach andersch zsi und öppis für die Junge mache und bringe. Drum isch es au nid schlimm wenn mir chli lüter si als die andere. Mir wei d'Fasnacht au für jüngeri Lüt attracktiv gstalte. öb als Zuschauer oder als Zunftmitglied. Ig für mi glaube das es eini vo de beschte Sache isch i mim läbe wo ig für d'Gesellschaft gmacht ha.
copyright 2005 Schanze Narre Solothurn | Feedback an cico1@gmx.ch | realisiert durch tom moser